قصيده رائعه للشاعر رحيم المالكي

شلون تجري ومايك أزرق يافرات
وانت ذنبك موذنب يفطر سمة
تسابكت بالطف اعلى حسين السيوف
ومايك اول سهم بصدرة ارتمه
طاح ابوالسجاد يم جرفك شهيد
ابين سيفين العدا وسيف الظما
وجان سيفك احد من كل السيوف
اثر على حسين حيل والمة
بس بنات المصطفى حر الجبود
حسين حر وهاي للحر تلجمة
لكن انت تريد تذنب يافرات
وهاي ماتحتاج شرح وترجمة
تدري مايك لو وصل يم الخيام
جا روى العباس منهم صارمة
وجان ماردت روؤس اعلى الركاب
وجان ردت خيلهم تكطر دمة
شلون يمك مات عطشان الحسين
وماركض مايك يم جدمة وارتمة
طاعت اسماعيل صحراء الحجاز
وانت شح مايك لابن حامي الحمة
ذاك ابن واحد سال ربة الجليل
كيف تحيي الموتى وترد قائمة
وهذا ابن حيدر علي سيف الرسول
الما يهاب بدينة لومة لائمة
الكال لو يكنشف عنه الغطاء
ما يزيد إلا اليقين الفاهمة
يافرات وتجري بعدك يافرات
الما يشوف الحق عسى بعينه العمى
كوم طم روحك حدر كبر الحسين
واعتذر لله واطلب مرحمة
كوم واغسل مايك برمل الحسين
وخلي مايك يا نهر يتيممه
ضحى بآخر قطرة من دمه الشريف
وظلت آخر قطرة ثورة قائمة
حسين صافي واصفى من ماي الجنان
وانت مايك طين وجرفك طمة
حسين نبع الجود وانت اسمك نهر
ويانهر للمنبع انطة وكرمة
حسين لومنك شرب جان ارتويت
وجان اتشرف مايك ايلامس فمة
لكن انت احظ اعماك وانتهيت
وسوء حظك رادلك هالخاتمة