قصيده بعنوان اصناف النساء

(أصناف النساء)

أصنف بالقصيدة إشكــال نسـوان وحطيت النسه لليفـــتهم عنـــــوان
أصناف النساء أهواي ما تنقاــس لا أبماء البحر لا رمل لا مــــيزان
تدوخك من تصنـــفهن الأصنـاف لئن كل صـــنف منهن صار بستان
وكل بســـتان بيه ألاف الــــعثوك مليـــان أبتمــر إشكـــــال والأوان
وذا ردة ألصدك مو أول الناــــس يصنف بالقصيدة إشكال نســـــوان
صنف أول للغدر محزمات أحزام مو خلفه بشر اتكــــول شيطــــان
تغرك تتحرف تنعوج ما تنـــــعاف ياوسفه الغدر من طبع الإنســـــان
تذلك لو جنت مثل الجبل شامــــخ أتسكع بالشـــــوارع مثل ســكران
أتطلع روح روحك من تجي للبيت ما تعرف مذاق النوم ســــــهران
والكحله اكعدت فوك العيون كعود مصبوغ الشعر أو عارية السيقان
والشاف البس أيصيح يله الغوث من لبس البدي ما اقصر الفســتان
انا أحجي أعلى النسه وبكلب مجروح خايف ينكصن بشباك شيـــــطان
وتالي لا يحصــــــل دنيــا لا دين وبيوم ألقيـــامه هو حزنــــــــان
انا احجب الحقيقة ما أخاف ألوم والراد العتب خاليحجي هسه ألان
جمالج بالأدب مو شرط الوجوه لا صبغ الشعر بأشـــــكال الألوان
صنف ثاني مثل تاج أتحطه فوك الرأس مرصع بالإله والياقوت و المرجان
يفح منه العطر من تحجي وباك عطر هيبة او كرامه وعزه وحسان
مثاقيل ألحجي موزع أبوجبات كل وجبه الظرف والثقل بيهن بان
هذي لليريد أيصير عنده أولاد واحدهم الثاني كلــــــــــهم اعوان
وهذه لليريد يطلك أهمــــــوم ترويه أبمحنه ماكو عطــــــــشان
وهذي بالصبر أتصير وياك لوتكضي العمر عطشان جوعان
وتصير السفينة ونت الشراع توجهه أبمحنه وين ما جـــــــــان
هذي مو مثل اول صنف مذكور أم صبغ الشعر الغاضبة الرحمان
ضلت للبـــشر يختار وين أيريد يختار السفينة لو شبج شيـــــطان
أنادي إنا أبقصيده أبعالي الصوت صنف ثاني اختره شتكول يفـــلان
للشاعر السيد
مقدام الموسوي

اشكرك اخي والفجر على هذا الاطراء