قصيده بعنوان المظالم

(قصيدة بعنوان المظالم)
تمر أسنين يابو أسنين بس مــــــــــرة والشيطان للإنسان بحبال الغدر جرة
عشنه آوية الزمان امكافش امن الروس تولانة الزمــــان ابغدرة وبشــــــره
يوميه حزن يوميه فقد أحبــــــــــــــاب أهات أبكلب تلكاهه متـــــــــــــخـثرة
من كألو رســـــــــــــــــول الله يهــذي ومصاب الزجيه فاطـــــمة ألزهـره
ومن ضربت علي من سجد بالمحراب قران وتخضب الورق حـــــــــــبره
ومن سم الحسن والغد رو حـــــــسين الغيوم إحزان تتساقط علي جمــــره
واحــــــد يذبح واحد يــــــــــــــسموه مولاي انهض ألنه راحت ألعتــــره
خانوا بـــــالصدر والعلم جافي ينوح جن نوح الثكاله يبجي بالحصـــــره
أجانه وراح مثل إهلال شـــــــــوال قليل إلي غرف من بحره لو قطـــره
محرومين من ذاك الزمــــــن لليوم كل واحد نحبه أنشوف بس كبـــــره
صدر ثاني أجانه وكلبه مجــــروح يحسب أحساب كلمن خانوا أبصدره
لا ذاك الزمن يرجع عليـــنه أردود والقصة القديمة ترجع أبعصـــــــره
خط بيده الشريفة قاعـــــــدة وكال العلم بأصول الباقر أتنـــــــــــــصره
ياهو ألاعلــــــم بهذا الزمن يا ناس وياهو إلي ثبت فوك الجــــــبل بدره
ومن صله صلاة الجمعة بالأكفان من بعد الصدر وألما دره أنـعـــــذره
محمود وصدك اسمك عليه أيلوك وصدك وارث محمد قدــــــس سره
ورث مو بس علم ورث حتى الضيم وطعنات أبنسب مره ابــــــــاثر مره
من سجن الســــــــجن يوميه ودوه ومن كل الطوائف جنات ابتــــــكره
رادو خططوا حته يســـــــــــــكتوه حتى البل سجن ايجته ويقـــــــــدره
راده ينعدم ويصــــــــــــــفه علـــيه يا حيف العمايم جانت امكتــــــــــره
شأ الله أن يخــــرج مثل بركــــــان هنيال الغرف من بحره لو قطـــــره
نادي سيـــدي محمود بالمــــــيدان وين أنصار مهدينه ساعة العســترة
خرج عبـــد اله وخرج صــــــدام جن درع الحرب فرحانة مســـتتره
والشيخ ألعبــــادي وكف بالـــباب جن عابس تجنن كشف عن صتـدره
وستار أيتسابق وي سعد عال موت منه إلي يموت أيحصل ألبـــــــــشره
وضامد من ســــمع هم صاح لبيك فارس بالحرب راكب على المــــهرة
جا وين الضمائر وين خـــوف الله مو هذا عراقي والله يا حــــــــــســره
لو حتى الحسين أيدك عليك الباب بهذا الزمن محد يجي أينــــــــصــــره
بس قله القليلة التنصر أحـــــــسين والباقي شمر أمحصل الكثـــــــــــــرة
شما طال الظلام الشمس تشرق ليه والقائم شمسنه أو احنه ننتظـــــــــره
كلمن ما نصر محمود خســـران مو كل مره تدري تسلم الجــــــــــــره
إنا الكم غصن يا سيدي محــمود ونته ألنه الغصن والماي والشـجــرة
للشاعرالسيد مقدام الموسوي

الله يبارك في الرجال الذين يبكون حزنا والما على قضيه الحق والذين يبذلون ما استطاعوا لنصر القضيه اخي وحبيبي ادعو لي بالثبات ,,الثبات ,,الثبات